مَآ كلّ منْ يرِكبْ آلخَيلّ [ خ ي آ ل ~

. . . | مَآ كلّ منْ يرِكبْ آلخَيلّ [ خ ي آ ل ~
________________________________________
\ماكل من يركب على الخيل خيــــــــــال
ولا كل خيل تعجبك هي أصيــــــــــــــله
ولا كل من يعجبك هرجه برجــــــــــــــال
بعض العرب ملــــــــسون وايده بخيلـــه
الكل يلبس ثوب وشماغ وعقـــــــــــــــال
وعند اللزوم افعالهم هي قليـــــــــــــــله
الرجل تثبت له أقاويل بافعــــــــــــــــــــال
لاقال شئ ونفذه هو دلـــــــــــــــــــــــــيله
والرجل لاشفته مع القيل والقــــــــال
ابعد عنه هذا صفاته عليـــــــــــــــــــله

و الكذب خله عنك مافاد لو طــــــــــال
قول الصدق ياصاح غنم وجميــــــــــله
وخلك شجاع وذي صفات للابطــــــال
اللي كما سيوف تبارق سليـــــــــــله
واللي شراك اشريه لو كان بالمــــال
خلك معه وان مــــــال دور بديلــــــــه
وآإصبر ترى الدنيا تبدل بها أحــــــــوال
وما كل شئ صافي تشـوفه تجي له
وبعد الكدر تشرب صفا عـــــذب وزلال
هذا الزمن فيه استــــقامه وميلـــــــه
وصاحب خليل لو جفا الوقت مامــــــال
ترى الرجل يعرف بقيمة خليــــــــــــله
واقفل على سرك بكتمان واقفـــــــال
بعض العرب يسمع وينوي بحـــــــــيله
وخلك أمين إذا توليت الأعمــــــــــــال
من خان في يوم الحشر يا حليـــــــله
خل التواضع فيك واضح بالافعـــــــــال
ترى الكبر يردي بيوم وليــــــــــــــــله
ولا تحسد اللي عنده اموال وعيـــــال
وش ينفعك لو كان حـــسدك يزيلــــــه
و لا تزور تقلب الزين بطـــــــــــــــــــال
الله عليم بالنوايا الدخـــــــــــــــــــــيله
وخلك رزين ترى المخفه للاطفـــــــــال
واصفح عن المخـــــطي ولو زاد قيـلــه
واحمل همومك لو تزن وزن الاثقــــال
بكره تروح وتنجلي لو ثقـــــــــــــــــيله
وصل الفروض ولاتنسيك الاشغـــــــال
محدن في الدنيـــــا درى وش بقي له
وزور الاقارب للرحم كون وصـــــــــــــال
وخلك عظيم الشان وسط القـــــــــبيله

وصلاة ربي عد ماهل همــــــــــــــــــال
على النبي اللي صفـــــاته جلـــــــــيله

» مَآ كلّ منْ يرِكبْ آلخَيلّ [ خ ي آ ل ~